[轉貼]毛巾道之終極毛巾”專訪（好笑）O____o

[研研]

-.-

[True]

今日好高興可以請到城中人氣電影：”毛巾道之終極毛巾”o既兩位導演：小強同麥兜黎做訪問。
（記＝記者　小＝小強　兜=麥兜）

記：聽聞第一集o既劇本o係三年前開始寫。 點解第二同第三集唔駛一年就咁急上映？
小：唔通套套都要三年咩！　你話三年，三年之後又三年，十年都黎緊頭啦！　老細！

記：係呢，點解小說版唔係由你地去寫？而個主角”明明”究竟係好人定壞人？
兜：最初係由我寫架！　但係之後本小說我唔知點寫落去喇，我都唔知o個個係好人定壞人．．．

記：第三集做乜將之前死左o既角色加入去？　係咪票房因素？
小：做導演好簡單o者，只要個票房好，我做乜都得！

記：點解戲中某個角色最後咁都唔死得架？！　有d違反常理喎！
兜：做人唔應該係咁，個世界唔應該係咁．．．

記：有d人睇完第三集覺得唔好睇喎。　有無聽過呢d批評？　對於呢d批評你地又點睇？
兜：呢句野我聽左九千幾次啦！
小：套戲上映之後，我好想同d人講：”點解你唔比機會我？　點解？　點解要插我？！　點解要插我？！”。　所以咪上加長版囉．．．

記：但係d人o岩o岩睇完之後就話出加長版，搞到個個爆哂粗喎！
兜：冇野格，出黎行，唔係你爆我，就係我爆你架啦！

記：如果你地o係街見到d觀眾批評呢套戲，你地會同佢講d咩？
兜：”講個秘密你聽，但係你唔好講出去，其實我係警察，唔係導演！”
小：”你認唔認得我呀？　我認得你，你小心D．．．”

記：第三集成本咁高，但係票房就強差人意，你會同投資呢套電影o既老闆講d咩？
兜：我每日都有同佢講：”過埋聽日就冇事架喇．．．”
小：”嚇親你呀，唔好意思”

記：聽講dvd會先出”加長版”，之後會再出”加長ｄｄ版”，咁樣好似有d呃人喎。　你估d人諗唔諗到你地會分兩個版本出？
兜：對唔住，我係呃人
小：邊個知？

記：咁咪對買左”加長版”果d人好唔抵？
小：我會同佢講：”你揀架．．．”
兜：對唔住！　我淨係知．．．我係呃人！

記：第三集你地會俾幾多分？
小＆兜：AA+

記：咁呢個假期有幾套戲上映喎，你地對自己果套有無信心？
小：梗有啦！　如果阿兜舉起張”魔怪三部曲”o既戲票入戲院，我大嗌”有邊個想同佢交換？！”。　邊有人肯制呀？
記：（心想）我想同佢換．．．